Friday, January 29, 2016

FILAMU YA SINGELI KUFWATIWA NA JICHO LA MCHAWI

IKIWA ni wiki tatu tangu iachiwe, muviya ‘Singeli’ imeonekana kufanya vema sokoni kiasi cha kufunika nyingine zilizotangulia.
Kwa mujibu wa waandaji wa filamu hiyo, Mmaka Film Production, kopi za awali zimemalizika na sasa wameanza kazi ya kudurufu nyingine ikiwa ni maombi maalum ya wateja wao.
“Tunashukuru kuona muvi hii ya ‘Singeli’ inaendelea kufanya vyema sokoni na mashabiki nchini wanaonekana kuipokea kwa mikono miwili,” alisema Mkurugenzi wa Mmaka Film, Omary Mmaka.
Mmaka alisema kuwa, hivi sasa wapo katika maandalizi ya kazi yao mpya inayokwenda kwa jina la ‘Jicho la Mchawi’, ambayo nayo itashirikisha nyota wengi wenye majina kama ilivyokuwa kwenye ‘Singeli’.

DISKO LEO DARLIVE WA MBAGALA MSIKOSE

DISKO la kukata na shoka linatarajiwa kuunguruma Ijumaa hii ndani ya Darlive, Mbagala Zakheem, Dar es Salaam katika shamrashamra za kuikaribisha wikiendi, imefahamika.
Mratibu wa Darlive, Juma Mbizo alisemajijini Dar es Salaam jana kuwa, disko hilo linaporomoshwa na Dj mahiri na maarufu kutoka kwenye moja ya radio zinazofanya vyema hivi sasa hapa nchini.
Mbizo alisema kuwa, kama ilivyo ada kwa siku za Ijumaa, wanawake wote watapenya bure, huku wanaume wakidondosha mlangoni mchango kiduchu wa buku tano.
“Nawaomba wapenda burudani wote wa Kitongoji cha Mbagala na Wilaya nzima ya Temeke kwa ujumla, kuhudhuria kwa wingi kwenye disko hilo, ili kufaidi raha isiyo na kifani,” alisema Mbizo, kati ya wadau wakubwa wa muziki hapa nchini.

WAPENZI WA KUNDI LA TAARAB LA WASHAWASHA CLASSIC WAMSAPRAIZ MPIGA KINANDA WAO

WADAU mbaimbali wa muziki, Jumapili iliyopita 24/1/2016, walilitumia jukwaa la bendi ya taarab ya Washawasha Classic, kumfanyia mwimbaji nyota wa bendi hiyo, Omary Sosha, sherehe ya kushitukiza ya siku yake ya kuzaliwa.
Tukio hilo la kusisimua na ambalo liliteka hisia za wengi, lilifanyika ndani ya ukumbi wa Centre Grill ‘Flamingo’ ambapo Washawasha Classic iliyo chini ya mpapasa kinanda mahiri, Amour Maguru, ilikuwa ikitumbuiza.
Wakati burudani ya muziki ikiendelea, ghafla liliibuka kundi la wadau kadhaa maarufu, wakiwemo ‘2po Dar Crew’, ‘Team Mombasa Raha’, ‘Mbaine Company Group’ wakiongozwa na wasanii Hummer Q na H Mbizo.
Walipoingia, wadau hao waliokuwa na keki kubwa na zawadi nyingine kemkemu, walikwenda moja kwa moja jukwaani ambako sosha alikuwa akipagawisha mashabiki kwa kuimba, wakamvamia na kuanza kumpongeza kwa wimbo wa ‘happy birth day’.
Alipohojiwa na mwandishi wetu baada ya tukio hilo, Sosha alisema anafurahi kuona wadau na wasanii wenzake wametambua umuhimu wa siku yake ya kuzaliwa, ambapo kwa upande mwingine ameahidi kuzidi kuwanao bega kwa bega kiburudani.

Mshindi wa Singeli Michano ya EFM Mwanza apatikana

> Watanzania jana waliadhimisha kumbukizi ya miaka 18 tangu kufariki dunia kwa mwasisi wa taifa la Tanzania, Hayati Mwl.Julius Kambara...