Friday, August 5, 2011

Sandton Sound, bendi yenye waimbaji ndugu

Sandton Sound bendi ambayo waimbaji wake ni wale ndugu Christian Sheggy na Francis Sheggy. Ni bendi nyingine ambayo haivumi lakini imo sana tu. Nimewakuta pale Legho Hotel Shekilango wakiporomosha muziki wa aina mbalimbali, ililazimika nishike gitaa pale walipoanza kuimba ule wimbo ambao ulikuwa utunzi wa Kyanga Songa ambao nilishiriki kupiga rythm gitaa miaka hiyo 1988/89. Masikitiko. Kwa wale wenye kumbukumbu kibwagizo chake kilikuwa
Kinachonisikitisha ni kuona kwamba nakosa mume,
Wakunioa mama,
Nami nijisikie kama wenzangu waliobahatika kuolewa
Hiyoooooo hiyoooo
Francis Sheggy

Christian Sheggy

Hatib Said alikuwa TOT Band

Moses Miliya alipigia SOT Sound

George Peter aliwahi Police Jazz Band

Manager wa Bendi Muba ni mtoto wa Mzee Muba aliyekuwa mwanamuziki wa Dar es Salaam Jazz Band.

Mohamed Mussa aka Soso ni Bassist alikuwa mwanamuziki wa Super Matimila

George Peter


Ras Nas- Nasibu Mwanukuzi mwanamuziki wetu aliyeko Norway



Ras Nas

Ras Nas na Dekula Kahanga Vumbi katika tamasha la muziki la Mela
Nasibu Mwanukuzi maarufu kama  Ras Nas alizaliwa Morogoro, staili yake ya muziki ni kuchanganya muziki wa kiasili, reggae na kughani katika mfumo wa mashahiri. Ras Nas ni mwimbaji, mpiga gitaa, mshahiri, producer, na percussionist.  Nasibu alikuwa huku akisikia muziki wa miamba ya muziki ya Tanzania kama vile Mbaraka Mwinyshehe wa Morogoro Jazz, Wema Abdallah wa Western Jazz, Michael Enoch na gitaa lake enzi za Dar Jazz na wengine wengi waliokuwa wakipiga mitindo tofauti ya upigaji wa magitaa enzi hizo. Baadae akawasikiliza wanamuziki kama Bob Marley, Burning Spear, Gregory Isaac na hapo ndipo alipopata kujenga misingi ya muziki wake wa sasa. RaS Nas alipata digrii yake ya Uanasheria katika Chuo Kikuu cha Dar es Salaam, wakati akiwa hapo chuoni alianzisha kundi lililosheni wasanii wakali wa  Kuigiza na Ushahiri lililoitwa Sayari ambalo lilikuwa na wakongwe wengi kama Freddy Macha, Chiku Ali, Anna Lukindo,  George Chioko. Kundi hili lilichanganya muziki wa Kiasili, mashahiri, dansi na michezo ya kuigiza na kupata umaarufu mkubwa uliowezesha kundi hili kusafirikatika nchi mbalimbali za Scandinavia. Mwaka 1985 Nasibu alihamia Oslo Norway na amekuwa huko kuanzia hapo mpaka leo.  Ras anawatoto watatu.
 1990 Nasibu alianzisha alianzisha bendi yake aliyoiita RAS NAS. Mwaka 1997 akatoa album yake ya kwanza "Cut You Loose," July 2008 alitoa album nyingine Dar es Salaam.

VIJANA WA TANZANIA HUENDA WAPI KUPUMZISHA AKILI BAADA YA SAA ZA KAZI?

AWALI HAPA PALIKUWA NA JENGO LILILOITWA  NYUMBA YA SANAA WASANII WENGI WALIKUWA WAKIFANYA KAZI ZAO HAPA, KWA SASA KILICHOBAKI JINA WASANII...