Monday, October 12, 2015

UZINDUZI WA FILAMU MPYA MAISHA NI SIASA




MAISHA NI SIASA ni filamu yenye mlengo wa kisiasa inayoelezea hadithi ya kujitolea, uzalendo, uaminifu na ushujaa, na ina jaribu kutoa changamoto kuhusu nafasi ya mitandao ya kijamii na wanaharakati wake katika siasa za Afrika katika zama hizi za baada ya nchi za Afrika kupata Uhuru, na kuangalia maendeleo ya kujenga demokrasia katika nchi hizi. Filamu hii imetayarishwa na  24Hrs Media, The 7th­Element & Kileleni Production, na imeongozwa na Shahid Ansari, washiriki wakiwa Paul Mashauri, Loue Kifanga, Bahati Chando, Violet Mushi, Godwin Gondwe, Carl Bosser, Hudson Kamoga Zenno kahumba na wengine wengi.

Filamu ya MAISHA NI SIASA  itazinduliwa katika ukumbi wa  Century Cinemax, Mlimani City Jumatano  14 Oktoba 2015 kuanzia saa kumi na nusu alasiri, patakuwepo Red Carpet na vinywaji ambapo wahusika wote katika filamu hii watakuwepo. Inategemewa wageni kama 1000 watahudhuria wakiwemo viongozi na wanachama wa vyama vya siasa, mabloga, wanaharakati, viongozi wa makampuni mbalimbali, wajasilia mali na wapenzi wa filamu.
Ili kuona kionjo cha filamu hii na kujua mengi zaidi kuhusu uzinduzi huu, ingia mtandao wa  www.maishanisiasa.co.tz, au ukurasa wa Facebook  www.facebook.com/maishanisiasa

RATIBA YA MSIBA NA MAZISHI YA MKE WA WAZIRI MWAKYEMBE

Mke wa mheshimiwa Waziri wa habari Utamaduni na Michezo, Dr Harrison Mwakyembe, Bi Linah Mwakyembe amefariki usiku wa kuamkia jana Jumapil...