Friday, April 15, 2011

Kumburu na Tanzania Band

 
Level 8, Kempisky ndio mahala unaweza kuwakuta wanamuziki hawa, kila Ijumaa usiku. Pichani, ni wa kwanza Yona wa Tanzaniate Band aliyefika kuitembelea Band, Geophrey Kumburu(Mngoni Mjanja), mpiga keyboard wa miaka mingi ambae keshapitia bendi kama Vijana Jazz, Kilimanjaro Connection, In Africa Band, na kusafiri nchi chungu nzima duniani akipiga kinanda. Bonzo Kwembe ambae karibuni amerudi kutoka Muscat, mpiga gitaa mwenye experience kubwa

Tchimanga Assossa na Bana Maquis

   Bana Maquis chini ya Tchimanga Assossa ni bendi nyingine ya kuzuru kama ni mpenzi wa zilipendwa. Bendi hii yenye wanamuziki wachache(chini ya kumi). Hupiga kila Ijumaa pale Jolly Club-Upanga. Nilipata raha pamoja na kusikiliza nyimbo nyingi za Assossa kama Huba, Ngalula, pia nilipigiwa live wimbo ambao Assossa alishiriki akiwa na Negro Succes wakati huo chini ya Bavon Marie Marie, kibao Maseke Ya Meme.


Ben, rafiki yangu huyu kwa mara ya kwanza nilimuona akiwa Rainbow Connection, bendi ambayo ilikuwa chini ya nduguye aliyekuwa anaitwa Prince, mwanzoni mwa miaka ya 80. Wakati huo Prince aliekuwa 'seaman' alikuwa karudi nyumbani na kuanzisha bendi iliyokuwa na masikani yake New Africa Hotel. Patrick Balisidya pia alikuwemo katika kundi hili, japo nilipotaka kuomba kazi Patrick alinikataza na kuniambia si kundi la kukaa muda mrefu. Na kweli bendi ilikufa baada ya muda mfupi. Ben alikuwa kati ya wanamuziki wa waanzilishi wa Tancut, alihamia Tancut akiwa na Shaaban Yohana Wanted, wakitokea Morogoro katika bendi ya Les Cuban



IVORY BAND YAPANIA KUPAA KATIKA ANGA ZA KITAIFA NA KIMATAIFA

Ijumaa hii na kila Ijumaa ni siku ya raha na starehe kwa wakazi wa Tabata na vitongoji vyake, maana mara tu baada ya jua kuzama kiota maaru...