Wapenzi wa muziki wa Tanzania wiki hii wamejikuta wakisikia
jambo ambalo si la kawaida kwa nchi hii. Wanamuziki kuanza kudaiana fidisa kubwa kwa kuibiana kipande cha
nyimbo. Lakini kwa jinsi mambo yalivyokuwa yanakwenda hakika ilikuwa ni muda tu kabla jambo hili halijalipuka, kwa muda mrefu mwanaharakati wa hakimiliki John Kitime amekuwa akitoa mafunzo kuhusu Hakimiliki na hakika jambo hili
amekuwa akielezea kuwa iko siku litatokea, kwani nyimbo nyingi maarufu za wasanii hapa nchini zimekuwa zikidokoa nyimbo za wanamuziki wengine bila kujali kutafuta ruksa rasmi, na sasa Msondo Ngoma Band inataka fidia ya
shilingi milioni 300 kutoka kampuni ya Wasafi Classic kwa madai ya matumizi ya kipande
cha nyimbo yao bila ruksa. Kwa kawaida kutumia kipande bila ruksa huwa na mambo
mengi, kwanza dharau ya kutoheshimu watunzi wa awali, hii huudhi zaidi, pili
ndipo linapokuja swala la kudai fidia ya matumizi ya kazi bila ruksa, ambapo anaedai huwa katika nafasi ya kudai fidia kubwa kadri ya anavyoona yeye anastahili kulipwa. Lakini si
mara ya kwanza duniani hili linatokea, tena kwa wanamuziki wenye majina makubwa
duniani. Hebu tuangalie mikasa iliyowahi kutokea huko Magharibi.
1.
Muimbaji Ed Sheeran
amejikuta akidaiwa fidia ya ya $20milioni kutokana na wimbo wake unaoitwa,
wimbo huo unadai kuwa ni wa kujaradia wimbo wa Matt Cardle
unaoitwa Amazing, ulioachiwa mwaka 2009.
Amazing uliandikwa na Martin Harrington na Thomas Leonard. Waandishi hawa kesi yao inashikiliwa na
mwanasheria maarufu Richard Busch, ambaye
aliwahi kuitetea familia ya Marvin Gaye katika kesi yao ya kudai haki za wimbo wa
marehemu Marvin Gaye mwaka 2013. Katika
kesi hiyo ya Sheeran, inasemekana kwenye chorus nyimbo hizo mbili zinafanana kwa nota 39. Kwa maelezo yanayosema ‘ the notes are identical in pitch, rhythmic duration, and placement in
the measure’. Pia maelezo yaliyopelekwa mahakamani yanasema kuwa nyimbo hizo. Photograph na Amazing,
zimefanana hata katika staili ya uimbaji, melodia ya uimbaji, mapigo au mkong’osio
pia vinafanana
2.
Wengi wa wapenzi wa kundi la Led Zeppelin
hukubaliana kuwa wimbo Stairway to heaven ndio wimbo bora wa kundi hilo. Lakini
wimbo huo ulilifikisha kundi hilo mahakamani likidaiwa kuwa liliujaradia kutoka
wimbo wa kundi jingine. Muimbaji wa Led
Zeppelin Robert Plant, na mpiga gitaa Jimmy Page walijikuta wako mahakamani wakituhumiwa kuiba wimbo wa Taurus, ulioandikwa na bendi ya Spirit, ambayo
iliwahi kufanya maonyesho ya pamoja kadhaa na Led Zeppelin miaka ya 60. Inasemekana wimbo
huo umeshaingiza kiasi cha Pauni za Kiingereza 400milioni (wastani wa TSHS 8, 000,000,000/-) kutokana
na mirabaha toka wimbo huo ulipoachiwa mwaka 1971. Aliyetunga wimbo wa Taurus, Randy
Wolfe alizama mwaka 1997 wakati akijaribu kumuokoa mwanae. Inasemekana aliwahi
kusema atawapa wimbo huo Led Zeppelin bila malipo yoyote!!!! Led Zeppelin mpaka
sasa wanasema wao hawakukopi huo wimbo.
3. Kundi
maarufu la Beatles liliwahi kusimamishwa mahakamani na kampuni ya Big Seven iliyokuwa
iki’publish’ nyimbo za mpiga gitaa Chuck Berry kwa kosa la la kutumia baadhi ya
mistari kutoka wimbo wa You can’t touch me wa Chuck Berry na kutengeneza wimbo
wao wa Come together. Wimbo wa Chuck Berry ulitungwa mwaka 1956 na kesi ilikuja
funguliwa mwaka 1973. John Lennon wa Beatles alikiri kuwa aliuitumia wimbo wa
Chuck Berry kumpa hisia tu ya kutunga wimbo wa Come together. Hatimae
walikubaliana nje ya mahakama kuwa Lennon
arekodi nyimbo 3 za kampuni Big Seven.
4.
Do Ya
Think I’m Sexy? Ulikuwa wimbo maarufu wa mwanamuziki Rod Stewart, lakini alipobanwa aeleze ukweli
alikubali kuwa wimbo huo chanzo chake ni wimbo a mwaka 1979, Taj Mahal uliokuwa mali ya mwanamuziki wa
Brazil Jorge Ben. Ben alipoenda mahakamani Stewart alikubali kutoa
sehemu ya pato la wimbo huo kwa UNICEF.
5.
Kundi la Radiohead la Marekani liliachia
wimbo lililouita Creep, lilichukua
melody ya wimbo wa miaka ya 60 wa kundi
la The Hollies ulioitwa The Air that I breath, wapenzi wa muziki wakagundua
mapema kuwa melody hiyo ni ya wizi, wakawataarifu waandishi wa awali wa wimbo
huo, Hammond na Mike Hazelwood. Jamaa wakaenda mahakamani, na ikalazimika
wakubaliwe kuwa nao ni sehemu ya watunzi wa wimbo huo mpya na lazima wapewe
mgao wa mirabaha.
6.
Rapa Jay Z nae alishtakiwa kwa kuiba vipande vya filimbi
vilivyokuwemo katika wimbo wa Khosara
uliorekodiwa mwaka 1957 Misri ukiwa utunzi wa Marehemu Hafez na Hamdy.
Jay Z akatumia vipande hivyo kwenye wimbo wake wa 1999 aliouita “Big Pimpin”.
Jay Z alishinda kesi hiyo, lakini baadae yeye na Timbaland walidai walilipia Pauni
66,000 mwaka 2001, kwa kampuni ya EMI Music Arabia ili kupata leseni ya kutumia
wimbo huo !!!!!!
Comments