Skip to main content

MALUMBANO YA HOJA ITV..TRA YALAUMIWA KUHUSU UTEKELEZAJI WA SHERIA YA STIKA

Katika kipindi cha malumbano ya Hoja ambacho kinarushwa na ITV  kila Alhamisi baada ya taarifa ya habari ya saa 2 usiku wiki hii mada ilikuwa Wizi wa kazi za wasanii nini kifanyike? Wasanii wa Muziki na Filamu walikuweko na pia walikuweko maafisa kutoka TRA na Mtendaji Mkuu wa COSOTA. Jambo ambalo lilishikiwa bango na wengi walioongea ni mapungufu ya utekelezaji wa sheria ya kubandika stika ya TRA katika kazi za filamu na muziki. Producers wa kazi za filamu waliweza kuonyesha hasira zao kwa kutoa mifano ya kutokutekelezewa taratibu za kuziwa stika kwa muda na hata kukutwa kwa stika za TRA katika kazi ambazo n feki. Wengi wa waliozungumza walionekanakutokuridhishwa na taratibu hizo za TRA. Ukosefu wa stika katika miji mingine ulionyesha kuwa TRA ilikuwa ikichukulia biashara ya filamu na muziki kwa Dar es Salaam tu. Wasanii pia walionyesha kukerwa kwao na , sentensi ya kuwa sanaa inarasimishwa, na kuuliza je kulipishwa kodi ndio kurasimishwa? Bila serikali kutoa mchango wake wa ziada katika tasnia hizi? Swala jingine lililozungumziwa ni kukwepa kulipa mirabaha kwa vyombo vya utangazaji ambapo TBC ililaumiwa kuwa iko kimya japo yenyewe ndio chombo cha Taifa. Kulizungumziwa pia swala la mikataba kati ya wasambazaji na Producers, japo kulionekana na upungufu wa uelewa kwa kudhania kuwa wasanii huwa wanaingia mikataba na wasambazaji, jambo ambalo halipo. Kwa ujumla kipindi kingekuwa kizuri zaidi kma kungepewa muda tofauti kati ya wasanii wa filamu na wasanii wa muziki, kwani hatimae muda uliisha bila kuonekana njia yoyote ya kutatua tatizo la wizi wa kazi za sanaa.

Comments

Popular posts from this blog

Unataka kujifunza muziki?

Je ungependa kujua Kurekodi muziki, Kusoma Muziki, Kuandika Muziki, Kuimba na Kupiga Ala mbalimbali za kisasa za muziki ? Kama ndivyo, basi waone AlphaBeta Music Centre waliopo TABATA Liwiti mkabala na shule ya msingi au wasiliana nao kwa simu +255 754 77 66 40 au +255 784 737 216. Usiikose fursa hii!!!!!

TWANGA PEPETA, NGUZA VIKING, PAPII KOCHA JUKWAANI TAMASHA LA WAFUNGWA

Bendi ya African Stars, maarufu kwa jina la Twanga Pepeta kesho itashiriki katika Tamasha la Wafungwa ambalo litaanza saa 2 asubuhi. Katika mambo ambayo yatakuwa makubwa kimuziki ni kushiriki kwa mwanamuziki mkongweNguza Viking na mwanae Papii Kocha ambao kwa sasa wanatumikia kifungo cha maish katika gereza la Ukonga. Pia katika tamasha hilo atakuweko msanii nyita wa muziki wa Singeli Msaga Sumu. Lengo la tamasha hilo ni kuwatia moyo wafungwa na kuwaonyesha kuwa wapo pamoja na Watanzania wenzao walio nje ya magereza. Eric Shigongo Mkurugenzi mkuu wa Global Publishersambao ndio walioandaa tamasha amesema hii ni mara ya pili kuandaa tamasha la namna hii, ambalo lengo ni kunyanyua ari ya wafungwa. Wafungwa waliohudhuria tamasha lililopita ambao walikwisha maliza kifungo wamesifu na kusema tamasha lililopita liliwapa faraja sana. Mratibu wa tamasha hilo Juma Mbizo, amesema mbali na burudani kali kutoka kwa Twanga, kutakuwepo na michezo mbalimbali kama ya mpira wa miguu, kuvuta kamba na mi…

RATIBA YA MSIBA WA MAREHEMU SALOME KIWAYA

Taarifa ya ratiba ya msiba wa marehemu Salome Kiwaya aliyekuwa Mwenyekiti wa UWT Mkoa wa Dodoma na mwanamuziki, aliyefariki jana 07/10/2016, kwa ajali ya gari maeneo ya Kilimo Kwanza Dodoma Mjini. Msiba uko nyumbani kwa marehemu Mtaa wa Image, Kata ya Kilimani, Wilaya ya Dodoma Mjini. RATIBA:
1.Tarehe 08/10/2016 - maombolezo  yanaendelea nyumbani Image Kilimani Dodoma.
2.Tarehe 09/10/2016 kuanzia saa 2:00 asubuhi - mwili wa marehemu utaletwa nyumbani kutokachumba cha maiti cha General Hospital Dodoma.
3. Tarehe 09/10/2016 saa kuanzia 6:00 mchana -salamu mbalimbali za Viongozi na Makundi Maalumu zitaanza kutolewa.
Saa 8: 00 mchana- mwili wa marehemu utatolewa nyumbani, na kuelekea Kanisa Kuu Roman Catholic. Baada ya Misa, msafara wa mwili wa marehemu utaelekea Kijiji cha Mtila, Kata ya Matola Mkoa wa Njombe kwa ajili ya maziko tarehe 10/10/2016 siku ya Jumatatu.